secteur

 

​ⵜⴽⵙⴰ ⵜⵎⵀⵍⴰ ⵏ ⵓⵎⵎⴰⵜⵔ ⴷ ⵡⴰⵔⴰⵢ ⵏ ⵉⵎⵣⵉⵢⵏ ⵅⴼ ⵓⵙⴽⴰⵔ ⴷ ⵓⵙⵎⵀⵍ ⵅⵀ ⵜⵖⴰⵡⵙⵉⵡⵏ ⵏ ⵓⵣⵔⴼ ⴷ ⵓⵙⵍⴳⵏ ⵉⵣⴷⵉⵏ ⴰⴽⴷ ⵓⵎⵎⴰⵜⵔ ⴰⵜⵉⵇⵏⵉ ⴰⴼⴰⴷ ⴰⴷ ⵜⵉⵍⵉ ⵙⵙⵍⴰⵎⵜ ⵏ ⵓⴼⴳⴰⵏ ⴷ ⵡⵉⵏ ⵉⵙⵔⵓⵙⵏ ⵏ ⵜⵣⵎⵔⵜ ⴷ ⵡⵉⵏ ⵉⵣⵓⵖⴰⵣ. ⵉⵎⴽⵉⵏⵏⴰ ⵜⴽⵙⴰ ⴰⵡⴷ ⵅⴼ ⵡⵓⴹⵓⴼ ⵏ ⵉⵎⵉⵣⵉⵢⵏ ⵉⵏⴳⵓⵔⴰⵏⵏ ⴷ ⵢⵉⵎⵥ ⵏ ⵉⵎⵥⵍⵉⵜⵏ ⴷ ⵉⵍⵓⴳⵏⵏ ⴰⴼⴰⴷ ⴰⴷ ⵢⵉⵍⵉ ⵓⴹⵎⴰⵏ ⵏ ⵜⵖⴰⵔⴰ ⵏ ⵉⵢⴰⴼⵓⵜⵏ.

ⴷⴰ ⵜⵙⴼⵉⵍⵍⵉⵙ ⵜⵉⵙⵎⵉⴳⴰⵍ ⴰⴷ : 

• ⵉⵎⵥ  ⵙ ⵜⵡⵙⴰ ⵏ ⵉⵏⴳⵎⴰⵎⵏ ⵉⵏⵜⴰⵢⵏ ⵏ ⵉⵍⵓⴳⵏⵏ ⵉⵣⴷⵉⵏ ⴰⴽⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵡⴰⵍⵍⴰⵍⵏ ⴷ ⵉⵢⴰⴼⵓⵜⵏ ⵏ ⵜⵣⵎⵔⵜ ⴷ ⵡⵉⵏ ⵉⵣⵓⵖⴰⵣ ;
• ⴰⵎⵎⴰⵜⵔ ⵏ ⵙⵙⵍⴰⵎⵜ ⵏ ⵉⵙⵔⵓⵙⵏ ⵏ ⵜⵣⵎⵔⵜ ⴷ ⵡⵉⵏ ⵉⵣⵓⵖⴰⵣ ⴷ ⵡⵉⵏⵏⴰ ⵉⵣⴷⵉⵏ  ⵙ ⵉⵎⵙⵜⵉⵖⵏ ⵏ ⵓⵙⵎⵔⵙ ⵓⵖⵔⵉⵎ ;
• ⴰⵎⵎⴰⵜⵔ ⵏ ⵜⵎⵥⵍⴰⵢ ⵏ ⵜⵖⴰⵔⴰⵏ ⵉⵢⴰⴼⵓⵜⵏ ⵏ ⵜⵣⵎⵔⵜ ⴷ ⵡⵉⵏ ⵉⵣⵓⵖⴰⵣ ;
• ⴰⵎⵎⴰⵜⵔ ⴰⵜⵉⵇⵏⵉ ⴷ ⵓⵎⵙⵙⵓⴳⵓⵔ ⵏ ⵓⵙⵖⵏⵣⵉ ⵏ ⵉⵢⴰⴼⵓⵜⵏ ⴰⴷ;
• ⴰⵎⵎⴰⵜⵔ ⴰⵜⵉⵇⵏⵉ ⴷ ⵓⵃⵟⵟⵓ ⴰⵎⵙⵙⵓⴳⵓⵔ ⵏ ⵉⵙⵓⴽⴰⵏ ⴷ ⵜⵉⵙⴽⴰⵏ ⵏ ⵉⵎⵙⵜⵉⵖⵏ ⵏ ⵓⵙⵎⵔⵙ ⵓⵖⵔⵉⵎ ⴷ ⵡⴰⵍⵍⴰⵍⵏ ⵏ ⵓⵥⵎⵎⵉ ⵏ ⵓⵔⵓⴳⴳⵓ ⴷ ⵡⵉⵏ ⵓⴳⴰⵣ ;
• ⵜⴰⴹⴼⵕⵜ ⵏ ⵓⵙⵏⵎⴰⵍⴰ ⵏ ⵜⵉⵍⴰⵍ ⵉⵣⴷⵉⵏ ⵙ ⵓⵙⴽⵛⵎ ⴷ ⵓⵀⵢⵢⵓ ⴷ ⵓⵙⴰⵜⵉⵎ ⴷ ⵡⴰⵙⵙⴰⵢ ⴷ ⵓⵙⵡⵓⵔⵉ ⵏ ⵉⵎⵙⵜⵉⵖⵏ ⵏ ⵓⵙⵎⵔⵙ ⵓⵖⵔⵉⵎ ;
• ⴰⵣⵣⵔⴰⵢ ⵅⴼ ⵉⵙⴷⴰⵡⵏ ⵉⵣⴷⵉⵏ ⴰⴽⴷ ⵜⵓⵔⴰⴳⵜ ⵏ ⵉⵏⴳⵎⴰⵎⵏ ⵉⵜⵜⵎⴰⴳⵍⵏ ⵙ ⵓⵎⵎⴰⵜⵔ ⵏ ⵡⴰⵍⵍⴰⵍⵏ ⵏ ⵓⵥⵎⵎⵉ ⵏ ⵓⵔⵓⴳⴳⵓ ⴷ ⵡⵉⵏ ⵓⴳⴰⵣ ⴷ ⵜⴹⴼⵕⵜ ⵏ ⵜⵉⵍⴰⵍ ⵏ ⵉⴳⵎⴰⵎⵏ ⴰⴷ ;
• ⴰⵙⵎⵎⵣⴷⵉ ⵏ ⵉⵙⴷⴰⵡⵏ ⴷ ⵜⵖⵓⵔⵉⵡⵉⵏ ⵉⵇⵇⵏ ⵙ ⵡⴰⵔⴰⵢ ⵏ ⵓⵡⵏⴰⴹ ⴳ ⵓⵙⵡⵉⵔ ⵏ ⵜⵣⵎⵔⵜ ⴷ ⵉⵣⵓⵖⴰⵣ ⴷ ⵉⵀⵉⴷⵔⵓⴽⴰⵔⴱⵓⵔⵏ ;
• ⴰⵙⵡⵓⴷⴷⵓ ⵏ ⵉⵙⵓⵔⴰⵎ ⵏ ⵉⵔⵣⵣⵓⵜⵏ ⴷ ⵉⵙⴼⵙⴰⵢⵏ ⵏⵏⴰ ⵉⵜⵜⵖⵍⵍⴰ ⴳ ⵜⵙⴳⴰ ⵏ ⵜⵎⴰⵡⴰⵙⵜ ⴷ ⵜⵉⵏ ⵡⵉⵢⵢⴰⴹ.